ယူနန်ပြည်နယ် တာ့ကွမ်းခရိုင်တွင် တောင်ထိပ် တိမ်ပင်လယ်နှင့် နေရောင်ခြည်တို့ ပနံသင့်လှပနေ

မကြာသေးမီက ယူနန်ပြည်နယ် ကျောင်းထုန်းမြို့ တာ့ကွမ်းခရိုင် မုကန်မြို့နယ် ကျင်းပေါင်တောင်တွင် ခမ်းနားသော အရုဏ်ဦးတိမ်ပင်လယ်ရှုခင်း ပေါ်ထွက်ခဲ့သည်။ နံနက်ခင်းချိန်ခါ တောင်တန်းများအကြား တိမ်စိုင်တိမ်လိပ်များ ပျံ့နှံ့နေပြီး နေထွက်လာချိန်၌ ရွှေရောင်အလင်းတန်းများ ကောင်းကင်တစ်ခွင် လွှမ်းခြုံသွားခဲ့သည်။ တိမ်မြူများက အလွှာလိုက် ရွေ့လျားနေပြီး အလင်းရောင်ခြည်နှင့် အရိပ်တို့ အဆက်မပြတ် ပြောင်းလဲနေပုံက တောင်တန်းသဘာဝရှုခင်းကို အထူးတင့်တယ်လှပစေပါသည်။

ကျင်မိုင့်တောင်တွင် ခရီးသည်များ လက်ဖက်သင်းရနံ့အား လာရှာ၊ ရှေးဟောင်းကျေးရွာများ စာမျက်နှာသစ်ဖွင့်

ဆောင်းဦးရာသီတွင် ကမ္ဘာ့အမွေအနှစ်နေရာဖြစ်သော တရုတ်နိုင်ငံ ယူနန်ပြည်နယ် ဖူအယ်မြို့ရှိ ကျင်မိုင့်တောင်၏ ရှေးဟောင်းလက်ဖက်တောသည် စိမ်းလန်းစိုပြည်လျက်ရှိပြီး လက်ဖက်ယဉ်ကျေးမှုကို လေ့လာရန်နှင့် အမှတ်တရဓာတ်ပုံရိုက်ကူးရန် နေရာအနှံ့မှ ခရီးသွားဧည့်သည်များအား ဆွဲဆောင်လျက်ရှိသည်။