ယူနန်ပြည်နယ် လူကူးကန်၏ မြူခိုးဝေသည့် နံနက်ခင်းရှုခင်း အလှဆုံးကာလသို့ ရောက်ရှိ

မကြာသေးမီက တရုတ်နိုင်ငံ ယူနန်ပြည်နယ် လိကျန်းမြို့ နင်းလန့်ခရိုင်တွင် ယူနန်-စီချွမ်း နယ်နိမိတ်ချင်း ထိစပ်ရာနေရာရှိ လူကူးကန်သည် နံနက်ခင်းမြူခိုးများဝေနေသည်ကို ကြည့်ရှုခံစားရန် အကောင်းဆုံးကာလသို့ ရောက်ရှိလာခဲ့ပြီး နေ့စဉ် နံနက် ၆ နာရီမှ ၈ နာရီကြား ကာလသည် ကြည့်ရှုခံစားရန် အကောင်းဆုံးအချိန်ဖြစ်သည်။ အရုဏ်ဦးရောင်ခြည်က မြူခိုးများကို ထိုးဖောက်ဖြတ်သန်းလာချိန်တွင် လှေငယ်လေးများ ဖြည်းညင်းစွာ ဖြတ်သန်းသွားလာကြပြီး ရေကန်တစ်ခွင် နံနက်ခင်းအလင်းရောင်ခြည်ကို အပြည့်အဝ ခံစားရသည်။

ပေါင်ဆန်းမြို့က "တရုတ်နိုင်ငံ၏ အရည်အသွေးမြင့် ကော်ဖီ စုစည်းရာဒေသ" အဖြစ် ဖန်တီးဖော်ဆောင်လျက်ရှိ

မကြာသေးမီနှစ်များအတွင်း ပေါင်ဆန်းမြို့သည် မျိုးစိတ်များ ရွေးချယ်မျိုးပွားခြင်း၊ စံချိန်စံညွှန်းနှင့် အမှတ်တံဆိပ်၊ အဆင့်မြင့် နက်ရှိုင်းစွာ ပြုပြင်ထုတ်လုပ်ခြင်း၊ ကော်ဖီနှင့်ခရီးသွားလုပ်ငန်း ပေါင်းစပ်ခြင်း၊ လူ့စွမ်းအားအရင်းအမြစ်နှင့် ဘဏ္ဍာရေးစသည့် ရှုထောင့်ပေါင်းစုံမှ စနစ်တကျ အားထုတ်ဆောင်ရွက်ကာ ကော်ဖီလုပ်ငန်းကို ကုန်ကြမ်းအခြေခံစခန်းမှ အရည်အသွေးမြင့်အထူးပြုခြင်း၊ အမှတ်တံဆိပ် တည်ဆောက်ခြင်းနှင့် ကဏ္ဍပေါင်းစုံ ပေါင်းစပ်ဆောင်ရွက်ခြင်း လမ်းကြောင်းများဆီသို့ အသွင်ပြောင်း အဆင့်မြှင့်တင်ရန် တွန်းအားပေးသည်။