ဆောင်းဦးရာသီတွင် ကူမင်းမြို့သို့ ကျူပန်းများကို လာရောက်ကြည့်ရှုကြပါ

2023-09-13 15:04|ရောင်စုံတိမ်တံတား

(ရောင်စုံတိမ်တံတား၊ လဲ့ရွှေရည်) ရာသီဥတုသည် တဖြည်းဖြည်း အေးလာသည်နှင့်အမျှ

ယခုအချိန်တွင် ကူမင်းမြို့၌ မိုးနှောင်းအခါသမယသည် ရာသီဥတုမှာ သာယာလှ၍ အပူချိန်သည်လည်း သင့်တော်သည်

နေရာအများအပြားသည် ၄င်းတို့၏ အဝတ်အစားများကို တိတ်တဆိတ်နှင့် ပြောင်းလဲ၍

ဆောင်းဦးရာသီတွင် တစ်ခုတည်းရှိသည့် ကဗျာဆန်သော အပေါ်အင်္ကျီဖြင့် ဖုံးအုပ်ထားသည်

အခုတလော အင်တာနက် အသုံးပြုသူ "JD" သည် Douyin တွင် တိန်ချီးစိုစွတ်မြေရှိ ကျူပန်းများအကြောင်း ဗီဒီယိုကို ထုတ်ပြန်ခဲ့၍ မရေမတွက်နိုင်သော အင်တာနက် အသုံးပြုသူများကို ကြည့်ရှုရန် ဆွဲဆောင်ခဲ့သည်။

ကူမင်းမြို့၏ ဆောင်းဦးရာသီသည် ကျူပင်များဖြင့် စတင်လျက်ရှိသည်၊ ဆောင်းဦးလေညင်းသည် တိုက်ခတ်နေပြီး မြစ်ကမ်းစပ်ရှိ ယွမ်းနွဲ့လှုပ်ရှားနေသည့် ကျူပင်များမှာ ဆောင်းဦးရာသီသည် ကူမင်းမြို့ကို ပေးပို့သည့် အနူးညံ့ဆုံးသော ကဗျာဆန်မှု ဖြစ်ကာ ဤသည် ကူမင်းမြို့၌ ဆောင်းဦးရာသီအစပိုင်းထဲတွင် အလှဆုံးသော အရောင် ဖြစ်နိုင်သည်။

ဤနေ့တွင် တရုတ်ဂန္တဝင်ကဗျာများ(ရှိကျင်)၊ (ဟန်) ထဲတွင် နှစ်ပေါင်းနှစ်ထောင်ကျော်ကြာ လှပသော ရုက္ခပင်များကို အတူတူ သွားကြည့်ကြပါ။

စောင်ဟိုင်စိုစွတ်မြေဥယျာဉ်

စောင်ဟိုင်စွေ့သောင့်(ဥမင်) စိုစွတ်မြေဥယျာဉ်ရှိ ကျူပင်များသည် ဆောင်းဦးရာသီထဲသို့ ဝင်ရောက်သည့် ကူမင်းမြို့သည် လှပမှုများကြောင့် ထပ်မံ၍ နာမည်ကျော်ကြားစေခဲ့သည်။ မြင့်မားသော ကျူပင်များ၊ တစ်လှိုင်လှိုင်မွှေးနေသော မြက်စိမ်းများ စသည်တို့ရှိကာ တကယ်၍ အလွန်လှပသည်။ အထူးသဖြင့် ညမိုးချုပ်ချိန်တွင် နေဝင်ဆည်းဆာအောက်ရှိ ကျူပန်းများနှင့် ခွေးမြီးမြက်များသည် အပြန်အလှန် တန်ဆာဆင်ထား၍ အလွန်လှပသည်။

ပေါင်ဖုန်း စိုစွတ်မြေဥယျာဉ်

လွန်ခဲ့သည့်နှစ် အောက်တိုဘာလ ၁၆ ရက်နေ့တွင် အများပြည်သူသို့ တရားဝင် အခမဲ့ဖွင့်လှစ်ခဲ့ပြီးနောက် ပေါင်ဖုန်း စိုစွတ်မြေဥယျာဉ်သည် မြို့သူမြို့သားများနှင့် ခရီးသည်များ၏ နှစ်သက်မှု များများရရှိခဲ့သည်။ မြို့ပြ၏ ရှုပ်ထွေးပွေလီမှုများနှင့် ကွားဝေသော ဤနေရာ၌ ဆိုင်းဆိုင်းဝေဝေရှိသော Galsang ပန်းများနှင့် ယွမ်းနွဲ့လှုပ်ရှားသည့် ကျူပင်များ ရှိ၍ အားလပ်ရက်များတွင် အပန်းဖြေသည့် အလွန်ကောင်းမွန်သော ရှုခင်းသာနေရာတစ်ခု ဖြစ်သည်။

တိန်ယွန်လူနေရပ်ကွက် လုံထန်ယင်

ကူမင်းမြို့တွင်းရပ်ကွက်မှ ထွက်ခွာပြီး မြောက်ဘက်သို့ မော်တော်ယာဉ်ဖြင့် ကီလိုမီတာ ၃၀ ခန့် မောင်းနှင်လျှင် ဖန်လုံရပ်ကွက် တိန်ယွန်လမ်းသို့ ဝင်ရောက်နိုင်သည်။ ၄င်းသည် အကျယ်အဝန်း မသေးမငယ်ပြီး လေးဘက်တွင် တောတောင်များ ဝန်းရံထားသော မြေပြန့်အရပ်တစ်ခု ဖြစ်ကာ စမ်းရေစီးပေါက် အများအပြားရှိပြီး ရေစီးကြောင်း ပေါများကြွယ်ဝပြီး ဖန်လုံမြစ်၏ မြစ်ဖျားခံရာများထဲမှ တစ်ခုဖြစ်၍ ဖန်မြစ်၏ မြစ်ဖျားခံရာဟု ချီးကျူးခံလျက်ရှိသည်။ ဤနေရာသို့ ကျူပင်များကို လာရောက်ကြည့်ရှုသည့် ခရီးသည် အနည်းငယ်သာရှိသောကြောင့် မြေပေါ်တွင် ထိုင်ပြီး ရှုခင်းများကို ကြည့်ရှုနိုင်သည်။

ဟိုင်တုံး စိုစွတ်မြေဥယျာဉ်

ဟိုင်တုံး စိုစွတ်မြေဥယျာဉ်သို့ ဝင်ရောက်လျှင် လေသည် အေးအေးညှင်းညှင်း လန်းလန်းဆန်းဆန်းဖြစ်ပြီး လေပြေသည် မျက်မှာပေါ်သို့ ညှင်းညှင်းငြိမ့်ငြိမ့် သုတ်ဖြူးဆော်သွေးပြီး လူများကို ကြည်နူးဆွတ်မောစေ၍ ဤနေရာရှိ ကျူပင်များ၏ အရေအတွက်သည် စောင်ဟိုင်စွေ့သောင့်(ဥမင်) စိုစွတ်မြေဥယျာဉ်ထက် မနည်းနှင့်။ ဟိုင်တုံး စိုစွတ်မြေဥယျာဉ်သည် ဧရိယာကျယ်ဝန်းပြီး ဘေးနားရှိ တုပ်နန် စိုစွတ်မြေဥယျာဉ်နှင့် နယ်နိမိတ်ချင်းဆက်စပ်၍ ရှုခင်းများ သာယာလှပပြီး ကျူပင်များအပြင် ခရမ်းရောင်ဖြစ်သည့် ခွေးမြီးမြက်များလည်း ရှိသည်။ ပြန့်ပြူးသော မြက်ခင်းပြင်များ၊ ကွေ့တီးကွေ့ကောက်ဖြစ်သော လမ်းငယ်များ၊ ကျယ်ပြန့်သော တိန်ချီးရေကန် စသည်တို့ရှိသောကြောင့် ကလေးများ နှင့်အတူ သွားကြရန် အလွန်သင့်တော်သည်။