လျှာဖျားပေါ်ရှိ ကူမင်းမြို့丨အောက်ပါဖော်ပြတဲ့ အချိန်ဂုဏ်ယူတဲ့ အမှတ်တံဆိပ်တွေကို သင်က ဘယ်နှစ်ခုမှာ စားဖူးလဲ

2023-07-13 15:10|ရောင်စုံတိမ်တံတား

(ရောင်စုံတိမ်တံတား၊ ကိုကိုမောင်) ကူမင်းကို ပထမဆုံး လာကြတဲ့ သူငယ်ချင်းများ အထူးဂရုပြုပါ။ အောက်ပါ ဖော်ပြတာက ကူမင်းလူဟောင်းတွေပဲ သိတဲ့ အစားအစာတွေ ဖြစ်ပါတယ်၊ အရသာရှိပြီး ဈေးလဲမကြီးပါဘူး၊ အားလုံးက ဆိုင်ဟောင်းတွေပါ။

တင်းကျိခေါက်ဆွဲဆိုင်

ကူမင်းမြို့မှာ နှစ်ပေါင်း ၃၀ ကျော် ဖွင့်လှစ်ခဲ့တဲ့ ဆိုင်ဟောင်းတစ်ခုဖြစ်ပြီး ပေကျင်းလမ်းပေါ်ရှိ ဖုန့်ဟွမ်ရွာမှာ ပုန်းအောင်းထားပါတယ်။ ဒါက ကူမင်းမှာရှိတဲ့ အကောင်းဆုံး ကော်ရည်ခေါက်ဆွဲဖြစ်တယ်လို့ အယ်ဒီတာက ထင်ပါတယ်၊ နေ့လည် ၂ နာရီအထိပဲ ရောင်းရပြီး တံခါးကို ဖြတ်သွားတဲ့ ၁၀ ကြိမ်ထဲမှာ ၉ ကြိမ်က တန်းစီနေတာ ဖြစ်ပါတယ်။ နမ်ဟွာ ကော်ရည်ခေါက်ဆွဲက အရမ်း နာမည်ကြီးပေမယ့် အရသာ နည်းနည်းချိုပါတယ်၊ တင်းကျိ ကော်ရည်ခေါက်ဆွဲက နည်းနည်းစပ်လို့ အရိုးစွပ်ပြုတ် တစ်ပန်းကန်နဲ့ တွဲစားရင် သင့်တော်ပြီး စားလို့ ကောင်းပါတယ်။

လိပ်စာ- အမှတ် ၄၆၊ ဖုန့်ဟွမ်ရွာ၊ ပေကျင်းလမ်း

ရွှဲအယ်လ် ချန်ကျူ ချဉ်ဖတ်

အကောင်းဆုံး ကော်ရည်ခေါက်ဆွဲ အကြောင်းကို ပြောပြီးတော့ အကောင်းဆုံး ချဉ်ဖတ်အကြောင်းကို ပြောကြည့်ရအောင်၊ အဲဒါကတော့ အသီးအနှံတွေနဲ့ ငရုတ်သီးတွေရော နယ်ပြီးစားတဲ့ ချဉ်ဖတ်ပါ။ ကူမင်းမှာ ဆိုင်ခွဲ များစွာရှိပေမဲ့ အကျော်ကြားဆုံးမှာ ၂၀၀၈ ခုနှစ်က စတင်ဖွင့်လှစ်ခဲ့ပြီး အခုအထိ ၁၅ နှစ်ခန့် ရှိတဲ့ ချန်ကျူလမ်းရှိ ဒီဆိုင် ဖြစ်ပါတယ်။ ချဉ်ဖတ်တွေ၊ သစ်သီးစိမ်တွေ၊ ဟင်းသုပ်တွေ၊ သစ်သီးသုပ်တွေ၊ ဘာပဲဖြစ်ဖြစ် စားလို့ အရမ်းကောင်းပါတယ်။

လိပ်စာ- အမှတ် ၃၇၊ ချန်ကျူလမ်း

တုန်ကျာဝမ် အမှတ် ၇၆ ဗီယက်နမ်ကော်ပြန့်လိပ်

တုန်ကျာဝမ် အမှတ် ၇၆ လို့ခေါ်တဲ့ ဗီယက်နမ်ကော်ပြန့်လိပ်ဆိုင်ဟာ မှတ်သားရ လွယ်ကူပြီး အရသာလဲ ရှိတာ ဖြစ်ပါတယ်၊ "ကူမင်းမှာ မစားမဖြစ် အစားအစာစာရင်း"မှာ အမြဲတမ်းပါဝင်လေ့ရှိပါတယ်။

အပေါ်ယံအခွံက ကြည်လင်ပြီး ဌာပနာက ငန်တာနဲ့ မွှေးတာ သင့်တော်ပါပဲ။ တစ်ခုပြောစရာရှိတာက တန်းစီနေတဲ့လူတွေ အများကြီးရှိလို့ ဗိုက်ဆာရင် သွားတာမကောင်းဘူးလို့ ထင်ပါတယ်။

လိပ်စာ- အမှတ် ၇၆၊ တုန်ကျာဝမ်

ချိရှောင်လမ်း ကြက်အရေခွံကြော်

ဒီဆိုင်ဟာ နေ့တိုင်း ညနေ ၆：၃၀ အထိ မရောက်ရင် မဖွင့်တာဖြစ်ပြီး ပြတင်းပေါက်သေးသေးလေး နှစ်ခုရှိပြီး ဘယ်ဘက်မှာ အော်ဒါမှာတာနဲ့ ညာဘက်မှာ အစားအစာယူတာလို့ ဂရုမစိုက်ပါက လွဲချော်နိုင်မယ်ဖြစ်တယ်။ ပတ်ဝန်းကျင်က အတော်လေးရိုးရှင်းပြီး ဆိုင်ကလဲ အရမ်းသေးငယ်ပေမယ့် လျှို့ဝှက်ပါဝင်ပစ္စည်းတွေ ပါတဲ့ ကြက်အရေခွံကြော်က မရေတွက်နိုင်တဲ့ စားသုံးသူတွေရဲ့ နှလုံးသားကို ဖမ်းစားရပါတယ်။

လိပ်စာ- အမှတ် ၁၃၊ ချိရှောင်လမ်း

ဇောက်လောင်ကွမ် ညှပ်ခေါက်ဆွဲ

ကူမင်းမြို့ရဲ့ အရသာဟောင်းဖြစ်ပြီး လက်လုပ်ညှပ်ခေါက်ဆွဲထဲကို လျှို့ဝှက်ဟင်းခတ်အနှစ်ထည့်ပြီး စားလို့ အရမ်း အရသာရှိတယ်။ အထူးသဖြင့် နွေရာသီမှာ ညှပ်ခေါက်ဆွဲအအေးသုပ်က တကယ်ကို အရသာရှိပါတယ်၊ လမ်းဟောင်းမှာ လျှောက်လည်တဲ့အခါ ပန်းကန်လုံးတစ်လုံး စားရင် ဘဝက ပြီးပြည့်စုံသွားမှာပါ။

လိပ်စာ- အမှတ် ၃၆၊ ကွမ်ဟွမ်လမ်း၊ ဟူကော်လမ်း စီမံခန့်ခွဲရေးရုံး

စွယ်လျန်ဝမ်

ဆိုင်းဘုတ်ဟာ ကော်ရည်ခေါက်ဆွဲဖြစ်ပြီး အသားက ခေါက်ဆွဲထက် ပိုများပါတယ်။ အရသာက နည်းနည်းချိုပြီး စားရတာ အရမ်းပျော်ဖို့ ကောင်းပါတယ်။ ၁၃:၀၀ အထိပဲ ဖွင့်ထားပါကြောင်း သတိပြုသင့်ပါတယ်။

လိပ်စာ- အမှတ် ၆၆၅၊ လုံချွမ်လမ်း

အချိန်ဂုဏ်ယူတဲ့ အမှတ်တံဆိပ် ရှောင်ချောင် တိုဟူးဆန်ခေါက်ဆွဲ

ဒီဆိုင်မှာ တိုဟူးဆန်ခေါက်ဆွဲ တစ်ပန်းကန်ကို ၃၊ ၆၊ ၉ ယွမ်နဲ့ပဲ စားနိုင်ရပါတယ်။ ရိုးရိုးဟင်းခတ်အမွှေးအကြိုင် ဖြစ်တဲ့ တိုဟူး၊ ငရုတ်သီး၊ ပဲငံပြာရည်အချို၊ ဆား စတာတွေနဲ့ ဆန်ခေါက်ဆွဲပျော့တွေနဲ့ ရောနယ်ပြီးရင် အရသာရှိပါတယ်။

လိပ်စာ- အမှတ် ၆၀၊ ချမ်ဝေလမ်း

第一次来昆明的小伙伴注意啦！收好这些只有老昆明人才知道的巷子美食，好吃不贵，个个都是老店。