ဆောင်းရာသီမှာ ချယ်ရီပန်းတွေကြည့်ရှုဖို့ ပုံပြလမ်းညွှန်၊ ကူမင်းကိုသွားပြီး ပန်းလမ်းကို အတူတူလျှောက်ကြရအောင်

2023-12-20 17:47|ရောင်စုံတိမ်တံတား

(ရောင်စုံတိမ်တံတား၊ ကိုကိုမောင်) မင်းနေတဲ့ တရုတ်နိုင်ငံ မြောက်ပိုင်းဒေသတွေမှာ ရာသီဥတုအေးချမ်းပြီး နှင်းတွေကျနေ၊ ကျွန်တော်နေတဲ့ တောင်ပိုင်းဒေသတွေမှာတော့ နေရောင်ခြည်နွေးထွေးပြီး ပန်းရနံ့တွေ ပျံ့နှံ့နေတယ်။

အခုအချိန်မှာ ကူမင်းမြို့ရှိ ဆောင်းရာသီပွင့်ချယ်ရီပန်းတွေ စတင်ပွင့်နေကြပြီ။ လမ်းမှာပဲဖြစ်ဖြစ်၊ ပန်းခြံနဲ့ ရေကန်မှာပဲဖြစ်ဖြစ် ချယ်ရီပန်းတွေဟာ မွှေးရနံ့သင်းသင်းနဲ့ တောက်ပစွာ ပွင့်လန်းလျက်ရှိပြီး တဝဲလည်လည်နဲ့ မျောနေကြတယ်။

ယူနန်အစောပိုင်းချယ်ရီပန်းလို့လည်း ခေါ်တဲ့ဆောင်းရာသီပွင့်ချယ်ရီပန်းက ယူနန်ပြည်နယ်ရဲ့ ဒုတိယအဆင့် အလေးပေး ကာကွယ်ထားတဲ့အပင် ဖြစ်တယ်။

ချယ်ရီပန်းတွေကြည့်ရှုဖို့ နေရာကောင်းများ

ယွမ်ထွန်တောင်ဥယျာဉ်

နှစ်စဉ်နှစ်တိုင်း နှစ်ကုန်ပိုင်းမှာ ယွမ်ထွန်တောင်ဥယျာဉ်ရှိ ဆောင်းရာသီပွင့် ချယ်ရီပန်းတွေ ပွင့်လာကာ ဒီဥယျာဉ်ကို ရိုမန်တစ်ဆန်တဲ့ ပန်းနုရောင် ပန်းပင်လယ်တစ်ကွက် ပြောင်းလဲစေတယ်။

ဟွန်ထာရှီးလမ်း

ဟွန်ထာရှီးလမ်းဟာ ကူမင်းမြို့မှာ ဆောင်းရာသီပွင့်ချယ်ရီပန်းတွေ အများဆုံး စုစည်းထားတဲ့ ရှုခင်းလမ်းဖြစ်ပြီး ရာနှင့်ချီတဲ့ ချယ်ရီပင်တွေက လမ်းနှစ်ဖက်စလုံးမှာ ဖြန့်ကျက်ထားပြီး ဒီလမ်းအတိုင်း လျှောက်သွားခြင်းက တကယ့် "ပန်းပွင့်လမ်းကို လျှောက်နေတာ" ဖြစ်တယ်။

ချိုင်ယူလမ်း

ချိုင်ယူလမ်းပေါ်မှာ ဆောင်းရာသီမှာ ကူမင်းမြို့ချန်ဂုံရပ်ကွက်ရဲ့ အလှဆုံးရှုခင်း ရှိပြီး "ရောင်စုံတိမ်တွေနဲ့ လွင့်ပျံတဲ့ပွင့်ဖတ်တွေ" ဆိုတဲ့ နာမည်ကောင်း ရှိတယ်။

လော့လုံဥယျာဉ်

ဒီနေရာရှိ ချယ်ရီပန်းလမ်းအလယ်မှာ လှေကားတွေရှိတယ်။ လူနည်းပြီး လှပတဲ့ရှုခင်းတွေရှိတယ်။

ကူမင်းရုက္ခဗေဒဥယျာဉ်

ဥယျာဉ်ထဲရှိ ချယ်ရီပင်တွေပေါ်မှာ ပန်းနုရောင်ဖြစ်တဲ့ ချယ်ရီပန်းတွေ အပြည့် ပွင့်နေပြီး လေပြေတိုက်တဲ့အခါ ပွင့်ဖတ်တွေ ပြုတ်ကျနေတာ နတ်ပြည်လိုပဲ လှပတယ်။

ကူမင်းမြို့မှာ ဆောင်းရာသီပွင့်ချယ်ရီပန်းတွေရဲ့ ပန်းပွင့်ချိန်က များသောအားဖြင့် နှစ်စဉ် နိုဝင်ဘာလက နောက်နှစ်မတ်လအထိ ဖြစ်တယ်၊ မင်းရဲ့ မိသားစုနဲ့ သူငယ်ချင်းတို့နဲ့ အတူတူသွားကြည့်ကြပါ။

你在北方的寒冬里大雪纷飞

我在南方的暖阳里花香四溢

目前，昆明的冬樱花渐入盛放时节。不论是在街头，还是在公园湖畔，一树树的樱花绚烂地开，一缕缕的暗香萦绕浮动。