(ရောင်စုံတိမ်တံတား၊ လဲ့ရွှေရည်) "မြောက်ဘက်စွန်းကို သွားချင်တာ ကြာပါပြီ၊ ဒီတစ်ခါမှာ မို့ဟယ်မြို့ကို သွားမယ့် အထူးခရီးသွားရထားရှိပြီး စျေးလဲ အရမ်းသက်သာတယ်လို့ ကြားရသဖြင့် ငါက ရောင်းရင်းဖက် သုံးလေးငါးယောက်ကို ချိန်းဆိုထားပြီး အတူတူလာကြတယ်။" ဟု ခရီးသည် ချူးချီယန့်က ပြောခဲ့သည်။ ဇွန်လ ၂၃ ရက်နေ့တွင် ကူမင်းမြို့မှ မို့ဟယ်မြို့သို့ ခုတ်မောင်းပြေးဆွဲနေသည့် Y474 အထူးခရီးသွားရထားပေါ်တွင် သူမသည် သူမ၏ ခရီးသည်မိတ်ဆွေ ၃ ယောက်နှင့်အတူ ဖဲကစားရင်း စကားစမြည်ပြောနေ၍ အလွန်စိတ်တိုင်းကျခဲ့သည်။

အထူးခရီးသွားရထား၏ ဖောက်သည်အများစုမှာ သက်ကြီးရွယ်အို ခရီးသည်များ ဖြစ်ခြင်းကြောင့် အဆိုပါကုမ္ပဏီသည် အထူးခရီးသွားရထား တစ်ကြိမ်စီး မထွက်ခွာမီ အဖွဲ့လိုက် ခရီးသွားအစည်းအဝေးကို ကျင်းပရန် အဖွဲ့တွင် ပါဝင်သည့် ခရီးသည်များကို ဖွဲ့စည်းလျက် ဖြစ်ကာ ခရီးစဉ်အစီအစဉ်၊ ရထားစီးလုံခြုံရေးနှင့် အစားအသောက်နှင့် တည်းခိုခြင်း ထောက်ခံပေးအပ်ချက် စသည့် အရေးကြီးသော အသိပေးကိစ္စရပ်များကို အသေးစိတ် ရှင်းပြပေးလျက် ဖြစ်သည်။ ခရီးစဉ်အတွင်း ဝန်ဆောင်မှုနှင့် ဧည့်လမ်းညွှန်မှုဆိုင်ရာ လုပ်ငန်းများကို ကောင်းမွန်အောင် ဆောင်ရွက်ရန် ကုမ္ပဏီသည် အတွေ့အကြုံကြွယ်ဝပြီး တာဝန်သိစိတ်များများရှိသော ဝန်ထမ်းများကို စီစဉ်ခဲ့၍ ခရီးသည်များကို သွားကြိုရန် ခရီးသည်တင်ဘတ်စ်ကားများကို စီစဉ်သည့်အတွက် ခရီးသွား ရည်မှန်းချက်ပန်းတိုင် အသီးသီးရှိ ခရီးသွားအေဂျင်စီများနှင့် တက်ကြွစွာဆက်သွယ်ဆွေးနွေးခဲ့၍ ခရီးသည်များအား ပင်ပန်းနွမ်းနယ်မှု ပြေပျောက်စေရန်နှင့် ခရီးစဉ်ထဲမှ နေထိုင်မှုကို ကြွယ်ဝစေရန်အတွက် ကျန်းမာရေးလေ့ကျင့်ခန်း၊ ဆုရ မေးခွန်းယှဉ်ပြိုင်ဖြေခြင်း၊ စစ်တုရင်နှင့် ဖဲကစားပြိုင်ပွဲ၊ ဓာတ်ပုံရိုက်ပြိုင်ပွဲ စသည့် အပန်းဖြေဖျော်ဖြေရေး လှုပ်ရှားမှုများကို ဆောင်ရွက်ရန် သက်ကြီးရွယ်အိုများအား စည်းရုံးခဲ့သည်။

ယခုနှစ်ကတည်းက ကုမ္ပဏီသည် ခရီးသည်များ၏ လိုအပ်ချက်များကို သေသေချာချာ စုံစမ်းလေ့လာခဲ့ပြီး ပြည်တွင်းနှင့် ပြည်နယ်တွင်းရှိ ကောင်းမွန်သော ခရီးသွားလမ်းကြောင်းများနှင့် ထုတ်ကုန်များကို သေချာစေ့စပ်စွာ လေ့လာခဲ့၍ ရထားပို့ဆောင်ရေး၏ အားသာချက်များကို အားကိုးပြီး ကူမင်းမြို့မှ ပေကျင်းမြို့၊ မို့ဟယ်မြို့၊ နိတ်မေကိုပြည်နယ်ခွဲ ဟိုင်လားအယ်လ်ဒေသ၊ လော်ဖျင်ခရိုင်နှင့် ရှင်းယိခရိုင်၊ စီဖျင်ခရိုင်၊ ပေါင်စန်းမြို့၊ လစ်ကျန်းမြို့ စသည့် နေရာများသို့ အထူးခရီးသွားရထား ၈ စီးကို ရှေ့စဉ်နောက်ဆက် ဖွင့်လှစ်ခဲ့၍ "ယူနန့် အထူးခရီးသွားရထားဖြင့် တရုတ်နိုင်ငံနေရာအနှံ့ကို လည်ပတ်ကြည့်ရှုခြင်း" ဟူသော အမှတ်တံဆိပ်ကို ပိုမိုကျော်ကြားစေခဲ့သည်။

နွေရာသီကျောင်းပိတ်ရက် နီးကပ်လာတော့မည်ဖြစ်၍ ဤကုမ္ပဏီသည် ကူမင်းမြို့မှ ရှီးအန်းမြို့၊ မန်ကျူလီမြို့ စသည့် နေရာများသို့ အခြားပြည်နယ်သို့ ရောက်ရှိသည့် အထူးခရီးသွားရထားများနှင့် ပေါင်စန်းမြို့၊ လစ်ကျန်းမြို့၊ ဆစ်ဆောင်ပန်းနားပြည်နယ်ခွဲ စသည့် ပြည်နယ်တွင်း ဝိုင်းပတ် အထူးခရီးသွားရထားများကိုလည်း ဖွင့်လှစ်မည်ဖြစ်ကာ ရထားဖြင့် ခရီးသွားလာရေးဆိုင်ရာ အရင်းအမြစ်၏ အားသာချက်များကို ဆက်လက်ထုတ်ဖော်မည် ဖြစ်၍ ခရီးသွားထုတ်ကုန်များကို ဆက်လက် ဆန်းသစ်တီထွင်ပြီး ဝန်ဆောင်မှု အရည်အသွေးကို မြှင့်တင်ပြီး ခရီးသည်များ၏ ခရီးသွားလိုအပ်ချက်များကို ဖြည့်ဆည်းပေးမည် ဖြစ်သည်။