တရုတ်-ယူနန် ဟင်းသီးဟင်းရွက် မျိုးစေ့လုပ်ငန်းပြပွဲကို သြဂုတ်လတွင် ကျင်းပမည်

2020-06-04 14:48 ရောင်စုံတိမ်တံတား

535559

(ရောင်စုံတိမ်တံတား၊ ခင်ခင်) ၂၀၂၀ခုနှစ် တရုတ်-ယူနန် ဟင်းသီးဟင်းရွက် မျိုးစေ့လုပ်ငန်းပြပွဲကို သြဂုတ်လတွင် လျှန်းဝမ်းတောင် ခေတ်သစ် စိုက်ပျိုးရေးပန်းခြံထဲမှ ယူနန် ကုန်းပြင်မြင့် မျိုးစေ့လုပ်ငန်းဒေသ၌ ကျင်းပပါမည်။ လက်ရှိ ဒေသထဲတွင် တစ်နိုင်ငံလုံးနှင့် တခြားနိုင်ငံများမှ အသစ်ဆုံး၊ အကောင်းဆုံး၊ အထူးခြားဆုံး ဖြစ်သော ဟင်းသီးဟင်းရွက်နှင့် သစ်သီးများကို စိုက်ပျိုး နေပါသည်။

ယူနန် ကုန်းပြင်မြင့် မျိုးစေ့လုပ်ငန်းဒေသသည် ကူမင်းမြို့ တောင်ဘက် အမြန်ရထား ဘူတာရုံ၏ နောက်ဖက်မှ လျှန်းဝမ်းတောင် ခေတ်သစ်စိုက်ပျိုးရေးပန်းခြံ ထဲတွင် တည်ရှိနေ၍ ကူမင်း အဓိကမြို့တွင်းရပ်ကွက်နှင့် ၃၅ ကီလိုမီတာ ကွာဝေးပါသည်။ ဒေသကို ယူနန်နှုန်းဆင်း စိုက်ပျိုးရေးဖွံ့ဖြိုးတိုးတက်မှုကုမ္ပဏီနှင့် ယူနန် ယွင်းဆန်းကျားနှုန်း နည်းပညာဖွံ့ဖြိုးမှုကုမ္ပဏီတို့ ပူးပေါင်း၍ ရင်းနှီးမြှုပ်နှံပြီး ဆောက်လုပ်ကာ အကျယ်အဝန်းမှာ အမို ၁ တောင်ကျော် ရှိပါသည်။ ဒေသထဲတွင် စံပြကုန်ထုတ်ဒေသ၊ ရေမလိုသော စိုက်ပျိုးဒေသ၊ လယ်ယာစိုက်ပျိုးရေး ယဉ်ကျေးမှုကို လက်တွေ့ခံစားဒေသ၊ နာမည်ကြီးသောပန်းများ ပြဒေသ၊ ဟင်းသီးဟင်းရွက် ပြဒေသနှင့် အနားယူဖို့ ခင်းထားသော မြက်ခင်း စသည်တို့ ရှိပါသည်။

ယူနန် ကုန်းပြင်မြင့်မှာ ကွဲပြားခြားနားသော ရာသီဥတု ရှိသောကြောင့် ဒေသထဲတွင် ရာသီမရွေး အသီးအနှံနှင့် ဟင်းသီးဟင်းရွက်များကို စိုက်ပျိုးနိုင်ပါသည်၊ ထို့ပြင် တိုးတက်သောနည်းပညာ အသုံးပြုပြီး ထွက်လာသည့် အသီးအနှံနှင့် ဟင်းသီးဟင်းရွက်များ၏ အရည်အသွေးသည် အီးယူ၏ စံချိန်စံညွှန်း မှီ၍ တရုတ်ပြည် ဂွမ်ဒေါင်းပြည်နယ်၊ ဟောင်ကောင်နှင့် မကာအို စသည့်နေရာများသို့ ရောင်းချပါပြီ၊ မြို့သူမြို့သားများလည်း ကိုယ်ပိုင်ကားမောင်းပြီး အမျှင်မပြတ် ဆွတ်ခူး ရောက်လာပါသည်။ ကုန်းပြင်မြင့် ညစ်ညမ်း၊ ဓာတုပစ္စည်းမဲ့ အစိမ်းရောင် သဘာဝ ဟင်းသီးဟင်းရွက် အမှတ်တံဆိပ်သည် နာမည်ထင်ရှားကျော်ကြားစေရန် ၂၀၂၀ခုနှစ် တရုတ်-ယူနန် ဟင်းသီးဟင်းရွက် မျိုးစေ့လုပ်ငန်းပြပွဲကို သြဂုတ်လတွင် မျိုးစေ့လုပ်ငန်းဒေသ၌ ကျင်းပပါမည်။ ထိုအခါတွင် တစ်နိုင်ငံလုံး နေရာအသီးသီး မှလာသော တစ်ဆင့်ရောင်းချရေး ကိုယ်စားလှယ် တစ်ထောင်ကျော်သည် ပြပွဲကို လာရောက်ပါဝင် ကြပါမည်။ ထို့ပြင် ယူနန်ကုန်းပြင်မြင့် မျိုးစေ့လုပ်ငန်းဒေသတွင် အတူစံစားကြသည့် စိုက်ပျိုးခြံကို တည်ဆောက်၍ မြို့သူမြို့သားများသည် ဟင်းသီးဟင်းရွက်စိုက်မြေ တစ်ချပ်ကို တောင်းယူပြီး မိမိနှစ်သက်သော ဟင်းသီးဟင်းရွက်များကို စိုက်ပျိုးပြီးနောက် ကလေးနှင့် အတူတူ ဆွတ်ခူးပြီး ကျေးလက်ဘဝ၏ ပျော်စရာကို လက်တွေ့ခံစား နိုင်မည်။

အယ်ဒီတာ: လဲ့ရွှေရည် တာဝန်ခံအယ်ဒီတာ: Xu Ting
hackIE

ယနေ့ နိုင်ငံခြားငွေလဲလှယ်နှုန်း

1CNY=

194.78MMK

1 ယွမ်=194.78ကျပ်