Vietjet လေကြောင်းလိုင်းက မြန်မာအပါအဝင် နိုင်ငံငါးခုကို ‘၀’ဒေါ်လာ အစီအစဉ်ဖြင့် လက်မှတ်ငါးသိန်း ရောင်းချမည်

2015-09-17 11:03 ၇ရက်နေ့စဉ်သတင်းစာ

越捷

Vietjet လေကြောင်းလိုင်းပိုင် လေယာဉ်တစ်စီး

ဗီယက်နမ်အခြေစိုက် လေကြောင်းလိုင်းတစ်ခုဖြစ်သည့် Vietjet လေကြောင်းလိုင်းက မြန်မာနိုင်ငံအပါအဝင် နိုင်ငံနှင့် ဒေသ ငါးခု သို့ ‘၀’ဒေါ်လာဟု အမည်ပေးထား သော အခမဲ့နီးပါးရရှိနိုင်မည့် လေ ယာဉ်လက်မှတ်ပေါင်း ငါးသိန်းကို ရောင်းချပေးမည်ဟု သတင်းရရှိသည်။

အရောင်း မြှင့်တင်ရေး လက်မှတ်များကို စက်တင်ဘာ ၁၆ ရက်မှ ၁၈ ရက်အထိ နံနက် ၁၁ နာရီခွဲမှ မွန်းလွဲ ၁ နာရီခွဲ အတွင်း အမေရိကန်ဒေါ်လာ ကိုးဒေါ်လာ၊ ၁၃ ဒေါ်လာ၊ ၁၈ ဒေါ်လာ စသည့် နှုန်းထားများဖြင့် ရောင်းချပေး မည်ဖြစ်သည်။

‘‘မြန်မြန်ဝယ် များများဈေး သက်သာ အရောင်းမြှင့်တင်ရေး အစီအစဉ်နဲ့အတူ ဒီလိုအံ့ဩဖွယ် ဈေးနှုန်းတွေကို ပေးအပ်တာဟာ အလည်အပတ်၊ အလုပ်ကိစ္စနဲ့ မိသားစုတွေ ပြန်လည် ဆုံစည်းရေး ကိစ္စတွေမှာ ခရီးသွားမယ့်သူ တွေကို အဆင်ပြေအောင် ကူညီ ပေးသွားမှာပါ’’ဟု Vietjet ၏ စီးပွားရေးဖွံ့ဖြိုးတိုးတက်မှုဌာန ဒါရိုက်တာ မစ္စတာဒက်စ်မွန်လင်း က ပြောသည်။

အရောင်းမြှင့်တင်ရေး အစီအစဉ် အနေဖြင့် လျှော့ချ ပေးလိုက်သည့် ခရီးစဉ် များမှာ ဗီယက်နမ်နိုင်ငံမှ မြန်မာ၊ တောင်ကိုရီးယား၊ တိုင်ပေ၊ စင်ကာပူနှင့် ထိုင်းနိုင်ငံ ခရီးစဉ်များဖြစ်သည်။

အဆိုပါ လက်မှတ်များဖြင့် ၂၀၁၆ ဇန်နဝါရီ ၁ ရက်မှ ဧပြီ ၂၂ ရက်အတွင်း လိုက်ပါစီးနင်းနိုင် မည်ဖြစ်သည်။

လက်မှတ်များဝယ်ယူခြင်း ကို www.Vietjetair.com တွင် ကြိုတင်စာရင်းပေးဝယ်ယူနိုင်ပြီး Visa၊ Master Card၊ JCB၊ American Express တို့အပါအဝင် အခြားငွေ ပေးချေရေးကတ် များဖြင့်လည်း ပေးချေ နိုင်မည် ဖြစ်သည်။

Vietjet လေကြောင်းလိုင်း သည် ရန်ကုန်-ဟိုချီမင်းခရီးစဉ် ကို တနင်္လာ၊ ဗုဒ္ဓဟူး၊ သောကြာ၊ စနေနှင့် တနင်္ဂနွေနေ့များတွင် အသွားအပြန်ပြေးဆွဲပေးမည် ဖြစ်သည်။ (By နိုင်လင်းအောင်)

အယ်ဒီတာ: မိုးဦးသဇင် တာဝန်ခံအယ်ဒီတာ: Xu Ting
hackIE

ယနေ့ နိုင်ငံခြားငွေလဲလှယ်နှုန်း

1CNY=

194.14MMK

1 ယွမ်=194.14ကျပ်