ဆောင်းသီးနှံ ထွက်နှုန်းနည်း၍ လာမည့်နှစ် ပဲဈေးကောင်းနိုင်

2015-08-06 17:43 ၇ရက်နေ့စဉ်သတင်းစာ

缅甸豆价格

ပွဲရုံတွင် ပြသထားသော ပဲအမျိုးမျိုး

မြန်မာနိုင်ငံတွင် လယ်မြေဧက များစွာ ရေနစ်မြုပ်နေ သဖြင့် ဆောင်းသီးနှံပဲ စိုက်ပျိုးမှု နောက်ကျပြီး အထွက် နှုန်း နည်းနိုင်၍ လာမည့်နှစ်၌ ပဲဈေး ပိုမြင့်နိုင်ကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည် အသင်း မှ သတင်း ရရှိသည်။

‘‘ပဲက အိန္ဒိယမှာလည်း ရာသီဥတု ဆိုးနေတော့ ဈေးက ကောင်းတယ်။ လက်ကျန်ကလည်း နည်းတော့ လာမယ့်နှစ်မှာလည်း ဈေးက ပိုကောင်းနိုင်တယ်’’ ဟု အထက်ပါ အသင်း အတွင်း ရေးမှူး ဦးမင်းကိုဦးက ပြောကြားသည်။

လက်ရှိတွင် လယ်မြေများ ရေကြီးနစ်မြုပ်မှု ကြောင့် ဆောင်းသီးနှံပဲမျိုး စုံစိုက်ပျိုးမှု နောက်ကျပါက အထွက်နှုန်း လျော့နည်းပြီး အပင်များ ရောဂါ များစွာ ကြုံတွေ့ ရနိုင်သည် ဟု ဆိုသည်။

ယခုနှစ်တွင် ပြည်တွင်း ပဲဈေးကွက်သည် စံချိန်တင် မြင့်တက်လာပြီးနောက် မတ်ပဲ တစ်တန်လျှင် ကျပ် ၁၄ သိန်းကျော်ထိ မြင့်တက်ခဲ့သည်။ ယင်းသို့ဈေး မြင့်တက်ခြင်းသည် ပြည်တွင်းပဲပေါ်ချိန်တွင် အထွက်နှုန်းနည်း ခြင်း၊ အိန္ဒိယနိုင်ငံ၌ ရာသီဥတု ဆိုးရွားခဲ့သဖြင့် အထွက်နှုန်းနည်း ပြီး ဈေးများတိုးပေး၍ ၀ယ်ယူမှုများခြင်း ကြောင့် ဟု ကုန်သည်များ က ပြောသည်။

ပြည်တွင်း၌ ယခုနှစ်ပဲသစ် ပေါ်ချိန်တွင် မတ်ပဲမှာ တစ်နိုင်ငံလုံး စိုက်ပျိုးမှု၏ ၃၀ ရာခိုင်နှုန်း ကျော်၊ ပဲစင်းငုံမှာ လည်း ၄၀ ရာ ခိုင်နှုန်းခန့် အထွက်နှုန်းလျော့ခဲ့ သည်။ ထို့ကြောင့် ယခုနှစ် မကုန် မီမှာပင် ပြည်တွင်း၌ ရှိနေ သော ပဲများ အကုန်တင်ပို့နိုင်မည်ဟု ခန့်မှန်းထားကြောင်း သိရသည်။

လက်ရှိ ပြည်တွင်း ဈေးကွက် တွင် မတ်ပဲနှင့် ပဲစင်းငုံဈေးသည် အိန္ဒိယနိုင်ငံမှ အ၀ယ်ကောင်းနေ ခြင်းကြောင့် ယခုတစ်ပတ်၌ ကျပ်သုံးသောင်း ဈေးမြင့်တက်လာ သည်။ လက်ရှိ ပြည်တွင်းဈေး ကွက်တွင် မတ်ပဲ တစ်တန် လျှင် ကျပ် ၁,၃၃၅,၀၀၀ ခန့်ရှိပြီး ပဲစင်းငုံမှာ ၁,၃၃၀,၀၀၀ ခန့် ဈေးရှိနေသည်။ ယခင်တစ်ပတ်က ပြည်တွင်း ဈေးကွက်တွင် မတ်ပဲ တစ်တန် လျှင် ကျပ် ၁၃ သိန်းခန့်သာရှိပြီး ပဲစင်းငုံ တစ်တန်လျှင် ကျပ် ၁,၃၁၀,၀၀၀ ခန့်သာ ဈေးရှိကြောင်း ဘုရင့်နောင်ကုန်စည်ဒိုင်မှ ပဲကုန်သည်တစ်ဦးက ပြောသည်။ (By ပြည်သိမ်း)

အယ်ဒီတာ: လဲ့ရွှေရည် တာဝန်ခံအယ်ဒီတာ: Xu Ting
hackIE

ယနေ့ နိုင်ငံခြားငွေလဲလှယ်နှုန်း

1CNY=

194.14MMK

1 ယွမ်=194.14ကျပ်