နေပြည်တော် ကျောက်မျက်ပြပွဲတွင် ယူရိုသန်း ၄၃၀ ကျော်ဖိုး ရောင်းချရ

2018-01-11 17:06 ၇ရက်နေ့စဉ်သတင်း

busi_1

(ရောင်စုံတိမ်တံတား၊ မြရွှေစင်)နေပြည်တော်မဏိ ရတနာ ကျောက်စိမ်းခန်းမတွင် ၁၀ ရက်ကြာ ကျင်းပသည့် ၂၀၁၇ နှစ်လည် ကျောက်မျက်ရတနာပြပွဲ၌ ကျောက်စိမ်းအတွဲ ငါး ထောင်ကျော်၊ ယူရိုသန်း ၄၃၀ ကျော်ဖိုး ရောင်းချရကြောင်း မြန်မာ့ကျောက်မျက်ရတနာပြပွဲ ကျင်းပရေးကော်မတီက သတင်းထုတ် ပြန်သည်။

ဒီဇင်ဘာ ၁၂ မှ ၂၁ ရက်အထိ ကျင်းပသည့် အဆိုပါ ကျောက်မျက်ပြပွဲတွင် ကျောက်စိမ်းတွဲ ၆,၆၈၅ တွဲနှင့် ကျောက်မျက်အ တွဲ ၁၉၀ ကို တင်ဒါစနစ်ဖြင့် ပြသရောင်းချရာ ကျောက်စိမ်းတွဲ ၅,၀၈၆ တွဲနှင့် ကျောက်မျက် ၃၂ တွဲ ရောင်းချနိုင်ခဲ့သည်။

ပြပွဲတွင် ရောင်းချနိုင်ခဲ့သည့် ကျောက်စိမ်းတွဲများသည် ကုမ္ပဏီတစ်ခုက ကြမ်းခင်းဈေး ယူရို ၁၂၈,၀၀၀ သတ်မှတ်ကာ ပြသ ရောင်းချခဲ့သော အလေးချိန် ၈၀၀ ကီလိုဂရမ်ရှိသည့် ခြောက်တုံး (6 Pieces) ပါ ကျောက်စိမ်းတွဲသည် ယိုရို ၁၂ ဒသမ ၅ သန်းဖြင့် ဈေး အများဆုံး ရရှိခဲ့သည်ဟု ကျောက် စိမ်းလုပ်ငန်း ကော်မတီအတွင်း ရေးမှူး ဦးမင်းသူက ပြောကြား သည်။

ပြပွဲတွင် ကြမ်းခင်းဈေး ယူရို ၅ ဒသမ ၈ သန်း သတ်မှတ်ထား သော ကျောက်စိမ်းတွဲနှစ်တွဲနှင့် ကြမ်းခင်းဈေး ယူရို ငါးသန်းသတ် မှတ်ထားသော ကျောက်စိမ်းတွဲတစ်တွဲ ပြသရောင်းချခဲ့သော် လည်း ဝယ်ယူသူမရှိကြောင်း မြန် မာ့ကျောက်မျက်ရတနာပြပွဲ ကျင်း ပရေးကော်မတီ ဒုတိယဥက္ကဋ္ဌဦး သန့်ဇော်ဦးက ပြောကြားသည်။

ယခင်ကျင်းပပြီးစီးခဲ့သော ၂၀၁၆ နှစ်လည် ကျောက်မျက်ပြ ပွဲနှင့် နှိုင်းယှဉ်ပါက ယခုပြပွဲတွင် ကျောက်စိမ်းတွဲများ ပိုမိုရောင်းချ နိုင်ခဲ့ကြောင်း ၎င်းက ပြောကြားသည်။

၂၀၁၆ နှစ်လည်ပြပွဲတွင် ကျောက်စိမ်းတွဲ ၅,၉၈၈ တွဲ ပြသခဲ့ပြီး ၄,၀၄၁ တွဲ ရောင်းချရကာ ယူရို ၃၂၆ ဒသမ ၀၂ သန်းရရှိခဲ့သည်။

ယခု ကျောက်မျက်ပြပွဲသို့ ပြည်တွင်း၊ပြည်ပ ကုမ္ပဏီ ၁,၆၀၀ ကျော်မှ ရတနာကုန်သည် ၄,၄၃၂ ဦး တက်ရောက်ဝယ်ယူခဲ့သည်။ ပြပွဲတွင် တရုတ်နိုင်ငံမှ ၂,၈၂၇ ဦး ဖြင့် အများဆုံးတက်ရောက်ခဲ့ကာ ထိုင်း၊ ကနေဒါ၊ ကိုရီးယားစသည့် နိုင်ငံများမှ ရတနာကုန်သည်များ တက်ရောက် ဝယ်ယူခဲ့ကြောင်း ထုတ်ပြန်ချက်၌ ဖော်ပြထား သည်။

 

အယ်ဒီတာ: လဲ့ရွှေရည် တာဝန်ခံအယ်ဒီတာ: XuTing
hackIE

ယနေ့ နိုင်ငံခြားငွေလဲလှယ်နှုန်း

1CNY=

180.02MMK

1 ယွမ်=180.02ကျပ်