ရွှေတိဂုံစေတီသို့ နိုင်ငံခြားခရီးသွားဝင်ကြေး တစ်ဦးလျှင် ကျပ်တစ်သောင်းကောက်ခံမည်

2017-09-22 17:09 ၇ရက် နေ့စဉ်သတင်း

_SAI1389

ရွှေတိဂုံစေတီသို့ လာ ရောက်လည်ပတ်သည့် နိုင်ငံခြား သားခရီးသွားဧည့်သည်များကို လာမည့် ဒီဇင်ဘာက စတင်ကာ ဝင်ကြေး ကျပ်တစ်သောင်းအထိ တိုးမြှင့် ကောက်ခံမည် ဖြစ်ကြောင်း ရွှေတိဂုံစေတီတော် ဂေါပကအဖွဲ့က စက်တင်ဘာ ၁၃ ရက်စွဲဖြင့် ထုတ်ပြန်သည်။
လက်ရှိတွင် ရွှေတိဂုံစေတီ သို့ လာရောက်လည်ပတ်သည့် နိုင်ငံခြားခရီးသွားများကို တစ် ဦးလျှင် ဝင်ကြေးငွေ ကျပ်ရှစ် ထောင်ကောက်ခံနေသည်။
ထိုသို့တိုးမြှင့်ကောက်ခံရန် သြဂုတ် ၃၁ ရက်က ပြုလုပ်သည့် သာသနာရေးနှင့် ယဉ်ကျေးမှုဝန် ကြီးဌာနစီမံခန့်ခွဲမှုကော်မတီအ စည်းအဝေးတွင် သဘောတူခဲ့ကြောင်း ထုတ်ပြန်ချက်တွင် ဖော် ပြထားသည်။
 ‘‘တိုးပြီးကောက်ခံတော့ လည်း ပေးရမှာပေါ့။ ခရီးသွားတွေ အတွက်လည်း ထိုက်တန်တဲ့ဝန် ဆောင်မှုဖြစ်တယ်ဆိုရင်တော့ ကန့်ကွက်စရာမရှိပါဘူး။ တိုးတာ ကလည်း နှစ်ထောင်လောက်ပဲ တိုးတာလေ။ ရွှေတိဂုံဘုရားမှာ ဧည့်သည်တွေအတွက် လုံခြုံရေး အပိုင်းနဲ့ ဝန်ဆောင်မှုအပိုင်းလေး တွေ ပိုပြီးကောင်းအောင် လုပ်ပေး နိုင်မယ်လို့ မျှော်လင့်ပါတယ်’’ဟု မြန်မာနိုင်ငံ ခရီးသွားလုပ်ငန်းရှင် များအသင်း ဥက္ကဋ္ဌ ဦးသက်လွင် တိုးက ပြောသည်။
ရွှေတိဂုံစေတီတော်ဂေါပကအဖွဲ့အနေဖြင့် နိုင်ငံခြားသားခရီးသွား ဧည့်သည်များကို ဝင်ကြေးတိုးမြှင့်ကောက်ခံရန် ယခုနှစ် မေလ ကတည်းက စီစဉ်ခဲ့သော်လည်း အနည်းဆုံးခြောက်လခန့် ကြိုတင် ကြေညာသင့်ကြောင်း ခရီးသွား လုပ်ငန်းရှင်များက သာသနာရေး နှင့် ယဉ်ကျေးမှုဝန်ကြီးဌာနသို့ တင်ပြသဖြင့် ယခုကဲ့သို့ ဒီဇင် ဘာတွင် တိုးမြှင့်ကောက်ခံမည် ဖြစ်ကြောင်း

တရားဝင်ကြေညာ ခြင်းဖြစ်သည်ဟု ၎င်းက ပြောသည်။
‘‘ဟိုတုန်းကတော့ ရုတ်တ ရက်ကြီး တိုးကောက်မယ်ဆိုတော့ လက်မခံလို့ အသင်းအနေနဲ့ ခြောက်လလောက်တော့ အချိန် ယူပါဆိုပြီး စာပို့လိုက်တော့ ခေတ္တ ရွှေ့ဆိုင်း လိုက်ပါတယ်။ အခု တော့လည်း ခြောက်လပြည့်ပြီဆို တော့ ဝင်ကြေး တိုးကောက်တာ စတော့မှာ ဖြစ်ပါလိမ့်မယ်’’ဟု ဦးသက်လွင်တိုးက ပြောသည်။
ဝင်ကြေးငွေတိုးမြှင့်ကောက် ခံသလို ခရီးသွားဧည့်သည်များ အဆင်ပြေစေရန် ဝင်ကြေးငွေကို မြန်မာကျပ်ငွေ(သို့မဟုတ်) ဒေါ်လာဖြင့် တစ်ပြေးညီ ကောက်ခံ သင့်ပြီး ဒေါ်လာဖြင့် ပေးချေရာ တွင် ငွေလဲနှုန်းမြှင့်တင်ကောက်ခံ ခြင်းမရှိစေရန် ကြပ်မတ်သင့်သည် ဟု Nature Dream ခရီးသွား လုပ်ငန်း မန်နေဂျင်းဒါရိုက်တာ ဒေါ်စံပယ်အောင်က အကြံပြုသည်။ (By နိုင်လင်းအောင်)

အယ်ဒီတာ: မိုးဦးသဇင် တာဝန်ခံအယ်ဒီတာ: Xu Ting
hackIE

ယနေ့ နိုင်ငံခြားငွေလဲလှယ်နှုန်း

1CNY=

180.02MMK

1 ယွမ်=180.02ကျပ်