အိမ်ခြံမြေဈေးကွက် အရောင်းအ၀ယ် အနည်းငယ်ပြန်ဖြစ်နေ

2017-07-31 16:23 ရောင်စုံတိမ်တံတား

_MG_6849aaf

အရောင်းအ၀ယ် ရပ်တန့် လုနီးပါးဖြစ်ခဲ့သော ရန်ကုန် အိမ်ခြံမြေ ဈေးကွက်သည် အရောင်းအ၀ယ် အနည်းငယ်ပြန်ဖြစ် လာကြောင်း အိမ်ခြံမြေအကျိုးဆောင်များက ပြောသည်။

အရောင်းအ၀ယ် ကောင်း လာခြင်းသည် ဇူလိုင်လလယ်ကစ ပြီး နေရာဒေသအလိုက် မူလခေါ် ဈေးထက် ထက်ဝက်ခန့်လျော့ နည်းသည့်ဈေးဖြင့် အရောင်းအ ၀ယ်ဖြစ်နေ ကြောင်း အကျိုး ဆောင်များက ဆိုသည်။

ရွှေဈေးမြင့်တက်ခြင်း၊ အစိုးရက ဘတ်ဂျက်ငွေကြေးအချို့ကို စီမံကိန်းများအတွက် ချထားပေး ခြင်းစသည်တို့ကြောင့် ဈေးကွက် အတွင်း ငွေကြေးဝင်ရောက်လာ သဖြင့် အရောင်းအ၀ယ်အနည်း ငယ်ဖြစ်လာကြောင်း အိမ်ခြံမြေ အကျိုးဆောင်ဦးဝင်းစိုးက ရှင်းပြသည်။

‘‘အရောင်းအ၀ယ် ပြန်ဖြစ် လာပေမယ့် ဈေးကတော့ အရင် ခေါ်ဈေး မရဘူး။ တစ်ဝက် လောက်ကို လျှော့ရောင်းနေရ တယ်’’ ဟု ၎င်းကဆိုသည်။

အများစုက ကြိုပွိုင့်စနစ်ဖြင့် ကန်ထရိုက်တိုက်များ ၀ယ်ယူထားပြီး ပြန်လည်ရောင်းချလိုသူ များက ဈေးလျှော့ရောင်းချနေသဖြင့် အရောင်းအ၀ယ်ဖြစ်နေသည်။

အရင်းပြန်လည်ရရုံဟူသော ရည်ရွယ်ချက်ဖြင့် ဈေးလျှော့ ရောင်းနေသောကြောင့် ကန်ထ ရိုက်တိုက်ခန်းအချို့သည် ဈေးသက်သာလာပြီး အမှန်တကယ် နေထိုင်မည့်သူများက ၀ယ်ယူနေ ကြောင်း ဓနမြေအိမ်ခြံမြေအကျိုး ဆောင်လုပ်ငန်းရှင် ဒေါ်ဝင်းဝင်း နွယ်က ရှင်းပြသည်။

ဘဏ်များနှင့်ချိတ်ဆက်ပြီး အရစ်ကျဖြင့် ရောင်းချသော ကန် ထရိုက်တာများ ဈေးကွက်အ မြောက်အမြား ပေါ်ထွက်လာပြီး ကြိုပွိုင့်စနစ်ဖြင့်ရောင်းချမှုလျော့ကျလာကြောင်း မြန်မာနိုင်ငံကန်ထရိုက်တာများအသင်းမှ ကိုလားဆယ်က ပြောသည်။

ကျပ်သိန်း ၂၅၀ မှ ၃၀၀ အကြားရှိ ကန်ထရိုက်တိုက်ခန်းများ သည် မူလပေါက်ဈေးထက်လျှော့ ချရောင်းချနေကြောင်း အိမ်ခြံမြေ အကျိုးဆောင်အချို့က ဆိုသည်။

အထူးသဖြင့် ဆောက်လုပ် ဆဲ ကွန်ဒိုများအရောင်းအ၀ယ် ကျဆင်းနေရာမှ လျှော့ဈေးအချို့ ဖြင့် ရောင်းချခြင်း၊ အရစ်ကျဖြင့် ရောင်းချခြင်းတို့ကြောင့် အရောင်း အ၀ယ်ပြန်ဖြစ်နေကြောင်း ဆို သည်။

ယခုရက်ပိုင်းအတွင်း ထူး ခြားမှုအဖြစ် နေပြည်တော်အိမ်ခြံ မြေဈေးကွက်သည် ပိုမိုလှုပ်ရှား နေကြောင်း အိမ်ခြံမြေ အကျိုး ဆောင်များက ဆိုသည်။

တန်ဖိုးကြီး လုံးချင်းအိမ်ခြံ မြေဈေးကွက်သည် မျှော်မှန်းသ ကဲ့သို့ အရောင်းအ၀ယ်ဖြစ်ပေါ် ခြင်းမရှိသေးပေ။ (By မိုးညို)

အယ်ဒီတာ: လဲ့ရွှေရည် တာဝန်ခံအယ်ဒီတာ: Xu Ting
hackIE

ယနေ့ နိုင်ငံခြားငွေလဲလှယ်နှုန်း

1CNY=

180.02MMK

1 ယွမ်=180.02ကျပ်