မြန်မာ့ဟင်းသီးဟင်းရွက်များ စင်ကာပူနိုင်ငံတွင် စတင်ရောင်းချခွင့်ရ

2017-03-02 17:21 ရောင်စုံတိမ်တံတား

မြန်မာနိုင်ငံမှ ဟင်းသီး ဟင်းရွက်များကို စင်ကာပူနိုင်ငံရှိ စူပါမားကက် ၁၅ ခုတွင် မတ်လ ၁ ရက်က စတင်ရောင်းချနေပြီဖြစ် သည်။

Myanmar Golden Pro-duce (MGP)က စင်ကာပူရှိ ဟင်းသီးဟင်းရွက်နှင့် သစ်သီးဝလံ များ ရောင်းချသည့် Cold Storage စူပါမားကက် ၁၅ ခုတွင် မြန်မာ ဟင်းသီးဟင်းရွက် ခြောက်မျိုးကို ရောင်းချနေကြောင်း MGP ဒါရိုက်တာ ဒေါ်လဲ့လဲ့ဦးက ပြောကြားသည်။

အဆိုပါ စူပါမားကက်များ တွင် မြန်မာနိုင်ငံထွက် ခရမ်းကြွပ် သီး၊ ခရမ်းသီး၊ ဘိုစားပဲသီး၊ ရုံး ပတီသီး၊ ငရုတ်သီး၊ သခွားသီးတို့ ကို ရောင်းချနေကြောင်းနှင့် ColdStorage စူပါမားကက် က မြန်မာ နိုင်ငံမှ ဟင်းသီး ဟင်းရွက်များ ရောင်းချရန် နေရာပေး၍ ရောင်းနေရကြောင်း ၎င်းက ပြောကြားသည်။

‘‘အဲဒီမှာ ရောင်းဖို့လုပ်နေ တာ လေးလလောက်ရှိပြီ။ ဟင်း သီးဟင်းရွက် နမူနာတွေယူသွား ပြပြီး Cold Storage နဲ့ ညှိနှိုင်းပြီး မှ အောင်မြင်သွားတာပါ။ Cold Storage နဲ့က အရင်တုန်းက သရက်သီးတို့၊ သခွားမွှေးတို့ ပို့ခဲ့ တာရှိတော့ ဆက်ဆံရေးတော့ ကောင်းတယ်။ ဟင်းသီးဟင်းရွက် တွေလည်း တင်ပို့ချင်တယ်။ အန် တီတို့ မြန်မာတွေ တော်တော်များ များလည်း အဲဒီမှာ ရှိနေတော့ မြန်မာကထွက်တဲ့ ဟင်းသီးဟင်း ရွက်လေး စားချင်ကြမယ်ဆိုပြီး တော့ လုပ်ဖြစ်တာပါ’’ ဟု ဒေါ်လဲ့ လဲ့ဦးက ပြောသည်။

လက်ရှိ ရောင်းချနေသည့် ဟင်းသီးဟင်းရွက်များတွင် ရုံး ပတီသီးများကို ဧရာဝတီတိုင်းရှိ ညောင်တုန်း၊ မအူပင်၊ ရေလဲကလေး စသည့်ဒေသများ၊ ခရမ်းသီးနှင့် ခရမ်းကြွပ်သီးများကို ပြည် မြို့ဒေသနှင့် ဘိုစားပဲသီးများကို ရှမ်းပြည်နယ်ရှိ အောင်ပန်းမြို့တို့မှ မှာယူရောင်းချနေ ကြောင်း ဒေါ်လဲ့လဲ့ဦးက ပြောကြားသည်။

လက်ရှိ စင်ကာပူတွင် စတင် ရောင်းချပြီး ဈေးကွက်အကြိုက် တွေ့၍ အောင်မြင်မှုများ ရလာပါ က သီးနှံ အမျိုးအစားများနှင့် ပမာ ဏများ ထပ်တိုးရောင်းချနိုင်ရန် မျှော်မှန်းကြောင်း ၎င်းက ပြော ကြားသည်။

လက်ရှိ ရောင်းချရာတွင် အအေးခန်းစနစ်မရှိ၍ အခက်အ ခဲအချို့ရှိကြောင်း ဒေါ်လဲ့လဲ့ဦးက ပြောသည်။

‘‘စိုက်ခင်းက ဒီတိုင်းခူးလာ ပြီးတော့ ရိုးရိုးပဲသယ်လာတယ်။ အန်တီတို့ဆီရောက်တော့မှ အအေးခန်းထဲမှာ ထုပ်ပိုးတယ်။ အ အေးခန်းထဲထည့်တယ်ပေါ့။ ပို့ တော့လည်း ရိုးရိုး လေယာဉ်နဲ့ သွားတယ်။ အအေးခန်းမဟုတ်ဘူးပေါ့ နော်။ ဟိုကျတော့ အအေးခန်းထဲ ကို ပြန်ထည့်တယ်။ ဒီပူလိုက်၊ အေးလိုက်ဖြစ်တဲ့ ပြဿနာလေး တွေတော့ ရှိတယ်’’ဟု ဒေါ်လဲ့လဲ့ ဦးက ပြောသည်။

သို့သော် လက်ရှိ ရောင်းချ နေသည့် ဟင်းသီးဟင်းရွက်များ ၏ ၈၀ ရာခိုင်နှုန်းသည် အောင်မြင်စွာ ရောင်းချနိုင် ကြောင်း ၎င်းက ပြောသည်။ Cold Storage စူပါ မားကက်သည် စင်ကာပူတစ်နိုင်ငံ လုံးတွင် ဆိုင်ခွဲပေါင်း ၄၈ ဆိုင်ရှိ ပြီး မြန်မာဟင်းသီးဟင်းရွက်များ ကို ဆိုင်ပေါင်း ၁၅ ဆိုင်၌ စတင် ရောင်းချခွင့်ရရှိခဲ့သည်။ (By ထက်မြက်)

အယ်ဒီတာ: လဲ့ရွှေရည် တာဝန်ခံအယ်ဒီတာ: Xu Ting
hackIE

ယနေ့ နိုင်ငံခြားငွေလဲလှယ်နှုန်း

1CNY=

180.02MMK

1 ယွမ်=180.02ကျပ်