မန္တလေးကရ၀ိတ်ရွေ့လျားဟိုတယ်သို့ပြည်တွင်းပြည်ပမှလာရောက်တည်းခိုသူပိုမိုများပြား

2016-12-08 17:21 The Myanmar Times

2402843_500x500

ဓာတ်ပုံ - The Myawady Daily

မန္တလေးမြို့ရှိ ကရဝိက် Mobile Hotel တွင် အပန်းဖြေသင်္ဘောစီး၍ ပြည်တွင်း၊ ပြည်ပမှ လာရောက်တည်းခိုသူများ နှင့် နေဝင်ချိန်ဆည်းဆာအလှကို ကြည့်ရှုခံစားသူများ လာရောက်မှု နေ့စဉ် တိုးတက် များပြားလာကြောင်း မန္တလေး ကရဝိက်ရွေ့လျားဟိုတယ် တာဝန်ရှိသူတစ်ဦး၏ ပြောကြားချက်ကို ကိုးကားကာ မြ၀တီသတင်းတစ်ရပ်တွင် ဒီဇင်ဘာ ၅ ရက်က ဖော်ပြထားသည်။
ပွင့်လင်းရာသီဖြစ်သောကြောင့် ပြည်တွင်း၊ ပြည်ပမှ လာရောက် လည်ပတ်သူများ ယခင်နှစ်ထက် များလာပြီး ပြည်ပဧည့်သည် တစ်လလျှင် ပျမ်းမျှဦးရေ ၁၅ဝ ခန့်နှင့် ပြည်တွင်း ဧည့်သည်ဦးရေ ၃၀၀ ၊ ၄၀၀ ခန့် ရှိကြောင်း အဆိုပါဟိုတယ်မှ တာဝန်ရှိသူတစ်ဦး က ပြောပြခဲ့သည်။
မန္တလေးမြို့တွင် တစ်ခုတည်းသော ရွေ့လျားဟိုတယ်သည် အပတ်စဉ် စနေ၊ တနင်္ဂနွေနေ့တို့တွင် ညနေ ၄ နာရီမှ ည ၆ နာရီထိ မင်းကွန်း (သို့မဟုတ်) စစ်ကိုင်းသို့ အပန်းဖြေသင်္ဘောစီး၍ နေဝင်ချိန် ဆည်းဆာအလှကို ဧရာဝတီမြစ် အတွင်းမှ ခံစားကြည့်ရှုနိုင်ကြောင်း၊ စစ်ကိုင်း-မင်းကွန်းအပန်းဖြေသင်္ဘောစီးရာတွင် ကလေးတစ်ဦးလျှင် ငွေကျပ် ၁ဝဝဝဝ နှင့် လူကြီးတစ်ဦးလျှင် ငွေကျပ် ၁၅ဝဝဝ ကုန်ကျပြီး ရွေ့လျားဟိုတယ် အနေဖြင့် အာရှ အစားအစာ၊ ဥရောပ အစားအစာ ကိုယ်တိုင် ယူစနစ် (ဘူဖေး) ဖြင့် ကျွေးမွေးဧည့်ခံကြောင်း သိရ သည်။
အဆိုပါ ရွေ့လျားဟိုတယ်သည် အပတ်စဉ် စနေ၊ တနင်္ဂနွေနေ့တို့တွင် မင်းကွန်း (သို့မဟုတ်) စစ်ကိုင်းသို့ နေဝင်ချိန် ဆည်းဆာအလှကို ကြည့်ရှုရန် သွားလာရာတွင် အနည်းဆုံး လူဦးရေ ၅ဝ ရှိမှသာ ထွက်ခွာကြောင်း၊ လူဦးရေ မပြည့်၍ ရပ်နားထားရခြင်းမှာ မရှိသလောက် နည်းပါး၍ တစ်ခါတစ်ရံ ရာသီဥတုကြောင့်သာ ရပ်နားထားခြင်း ရှိ ကြောင်း၊ တည်းခိုစရိတ် အခန်းခမှာငွေကျပ် ၃ဝဝဝဝ မှ ၆ဝဝဝဝ ထိ ရှိကြောင်း သိရသည်။

အယ်ဒီတာ: မိုးဦးသဇင် တာဝန်ခံအယ်ဒီတာ: Xu Ting
hackIE

ယနေ့ နိုင်ငံခြားငွေလဲလှယ်နှုန်း

1CNY=

180.02MMK

1 ယွမ်=180.02ကျပ်