မြန်မာအမျိုးသားလေကြောင်းလိုင်း ရန်ကုန်-ချင်းမိုင်ခရီးစဉ်ကို နိုဝင်ဘာ ၄ ရက် စတင်ပြေးဆွဲမည်

2016-10-20 22:53 ၇ ရက်နေ့စဉ်သတင်းစာ

image-0-02-03-b4040871198523aed189dde23a04404f9d03673c7e97b6d786c4b173fe47f945-V

နိုင်ငံပိုင်လေကြောင်း လိုင်းဖြစ်သည့် မြန်မာအမျိုးသား လေကြောင်းလိုင်း(MNA)၏ စတုတ္ထမြောက် ပြည်ပခရီးစဉ်အ ဖြစ် ရန်ကုန်မှ ထိုင်းနိုင်ငံချင်းမိုင် မြို့သို့ နိုဝင်ဘာ ၄ ရက်ကစတင်၍ တစ်ပတ်လျှင် နှစ်ကြိမ်ပျံသန်းပြေး ဆွဲမည်ဖြစ်ကြောင်း သတင်းရရှိ သည်။

ခရီးသွားရာသီတွင် ချင်းမိုင် မြို့သို့ ခရီးသွားများ အဆင်ပြေစွာ သွားရောက်နိုင်စေရန် ရည်ရွယ်၍ ယခုကဲ့သို့ ပျံသန်းပြေးဆွဲရခြင်း ဖြစ်ကြောင်း အဆိုပါလေကြောင်း လိုင်း အမှုဆောင်အရာရှိချုပ် ကပ္ပတိန် ဦးသန်းထွန်းက ပြော ကြားသည်။

လက်ရှိတွင် စင်ကာပူသို့ မနက်ပိုင်းလေကြောင်းလိုင်းသာ ပျံသန်းပြေးဆွဲပေးနေရာမှ စင်ကာပူနိုင်ငံက ဗီဇာကင်းလွတ်ခွင့်စတင်ခွင့်ပြုမည့် ဒီဇင်ဘာ ၁ ရက်ကစတင်ကာ ရန်ကုန်-စင်ကာပူ ညနေပိုင်းပျံသန်းသည့် ခရီးစဉ်များကိုပါ တိုးချဲ့ပြေးဆွဲမည် ဖြစ်ကြောင်း MNA မှ စီးပွားရေးဆိုင်ရာ အရာရှိချုပ် ကပ္ပတိန် ဦးနိုင်စောလွင်က ပြောကြားသည်။

‘‘လက်ရှိမှာတော့ စင်ကာပူ ကို နေ့တိုင်း ပြေးဆွဲနေတယ်။ ဗီ ဇာကင်းလွတ်ခွင့်ပေးမယ့် ဒီဇင် ဘာ ၁ ရက်က စပြီး ညနေပိုင်း Flight တွေကို တစ်ပတ်ငါးရက် တိုးချဲ့ပြီး ပြေးဆွဲမှာဖြစ်ပါတယ်’’ ဟု ဦးနိုင်စောလွင်က ပြောကြားခဲ့ သည်။

မြန်မာအမျိုးသား လေ ကြောင်းလိုင်းက ချင်းမိုင်မြို့သို့ ပျံသန်းပြေးဆွဲရာတွင် တနင်္လာ၊ သောကြာ နှစ်ရက် ညနေပိုင်းအ ချိန်များ၌ ပျံသန်းပြေးဆွဲမည် ဖြစ်ကာ ရန်ကုန်-ချင်းမိုင်-ရန်ကုန်ခရီးစဉ်အတွက် အထူးပရိုမိုးရှင်းဈေးနှုန်း အမေရိကန် ၁၇၈ ဒေါ်လာဖြင့် ဝယ်ယူစီးနင်းနိုင်မည် ဖြစ်ကြောင်း အဆိုပါလေကြောင်းလိုင်း၏ပျံသန်းပြေးဆွဲမှုဆိုင်ရာ သတင်းထုတ်ပြန်ချက်က ဖော်ပြသည်။

၁၉၄၈ က စတင် တည်ထောင်ခဲ့သော အဆိုပါနိုင်ငံပိုင်လေကြောင်းလိုင်းသည် လက်ရှိအချိန်တွင် ပြည်တွင်းရှိ မြို့ ၂၇ မြို့သို့ ပျံသန်းပြေးဆွဲနေပြီး ပြည်ပ ခရီးစဉ်များဖြစ် စင်ကာပူ၊ ဟောင်ကောင်၊ ဘန်ကောက်မြို့များသို့ ပြေးဆွဲလျက်ရှိသည်။

မြန်မာအမျိုးသား လေ ကြောင်းလိုင်းသည် ၂၀၁၄ ဒီဇင် ဘာ ၅ ရက်က စတင်ကာ ဖွဲ့စည်းပုံ ပြောင်းလဲဖွဲ့စည်းပြီး နိုင်ငံပိုင်လေ ကြောင်းလိုင်းအဖြစ် ဆက်လက်ရပ်တည်ကာ ပြည်တွင်း၊ ပြည်ပခရီးစဉ်များ ပြေးဆွဲလျက်ရှိသည်။ (By မင်းဟိန်းကျော်)

အယ်ဒီတာ: လဲ့ရွှေရည် တာဝန်ခံအယ်ဒီတာ: Xu Ting
hackIE

ယနေ့ နိုင်ငံခြားငွေလဲလှယ်နှုန်း

1CNY=

180.02MMK

1 ယွမ်=180.02ကျပ်